按長盈嘅公布，佢每年可收取195萬嘅董事袍金及另加按職責及表現發放嘅花紅與薪津，唔講唔知，原來謝國輝過去三年已為長盈嘅阿根廷業務發展提供顧問服務。
曾任職多家電訊企業
絲絲多年前已認識Sammy，知佢唔少過去事迹，長盈嘅公告都好清楚交代晒，包括佢曾服務於當年仍由大東持有嘅香港電訊外，亦曾經係和黃（00013）拓展電子商貿業務嘅領軍人物，其後卻捲入中聯系統及港陸集團嘅內幕交易案，被禁出任本港上市公司董事，並因相關嘅罰款一度宣布破產。按長盈嘅公布，內幕交易案相關嘅所有判令自一○年四月起已屆滿失效，換言之，佢可以做番公司董事，而佢嘅破產令亦早喺○八年二月獲解除。
余詩韻