期指觀瀾：好友重新主導市況
仲有兩日基金季結，係粉飾櫥窗買盤開始出動？抑或港股短期見底都好，昨日技術走勢確有改善。港股早段唔單止無跟隨A股急跌，對外圍氣氛逐漸見抵抗力，成交反彈，而恒指低位22,088點，剛好踏在上周三及周五，恒指兩個低位21,975及22,033點的延伸線22,090點，之後拗腰倒升，重返10日線22,299點樓上，這是好友重新主導市況的迹象。
昨日恒指升59點報22,311點，即月期指，四點現貨收市高水4點，到四點十五分低水36點，收報22,275點，期間歐股大都輕微高開，同唔少即市好倉客決定唔過市有關。
事實上，雖然前晚塞浦路斯危機解決，但歐美股市全部「buy on rumor,sell on fact」，統統高開低收，昨日A股錄得1.2%跌幅，在種種外在客觀因素影響下，大市呈現背馳，期指由即市低位22,082點一直挾高去到三點半後22,372點，接近300點波幅，對近期慣了日日高開低收捱價的死硬派好友，先鎖定利潤的想法是可以理解。
今日大市如能再升，後市向好形態更為確定。22,185點開的好倉，上調止蝕價至22,082點，短期目標繼續睇22,581點，今日開市唔到價，先轉倉落四月，續等市升。
John Mullen