富二代成日都畀人話喺溫室長大，唔識獨立思考，但絲絲就覺得唔可以一竹篙打晒一船人，好似車路士班主俄國富豪阿布拉莫域（Roman Abramovich）個囝囝Arkadiy Abramovich，就深得爸爸嘅投資基因，年紀輕輕就以4,600萬美元入股西伯利亞一個油田！
19歲嘅Arkadiy依家喺倫敦一間俄羅斯投資銀行實習，早前自己透過一間空殼公司買入西伯利亞一個油田45%股權，認真犀利，絲絲回想19歲嗰陣連空殼公司係咩都唔知！
正所謂「有其父必有其子」，Arkadiy除咗同爸爸一樣鍾情投資油田之外，三年前其實佢都曾經想收購一隊丹麥嘅足球隊FC哥本哈根，只係最後唔成功。
相信總有一日佢一定可以繼承爸爸嘅衣鉢，有一番成就！
余詩韻