絲絲講場：股神身家贏Zara之父返三甲
股神巴菲特旗下嘅巴郡今年股價大反彈14%，帶挈股神身家暴漲至546億美元，令佢重返全球富豪三甲之位，緊隨墨西哥首富斯利姆及微軟蓋茨之後，今次股神揮低嘅，正正係去年底搶咗佢第三位嘅Zara創辦人奧爾特加（Amancio Ortega），後者旗艦企業Inditex受西班牙經濟影響，身家縮水至543億美元。
全賴股市順風順水
今次全球富豪嘅排名，係來自《彭博》億萬富豪指數（Bloomberg Billionaires Index）嘅發布，絲絲記得上次股神輸畀奧爾特加少少，只得個「梗頸四」，就係由《福布斯》雜誌發布嘅全球億萬富豪榜，但全球市況難測，一陣風吹股神又回到三甲內，簡直就係富貴如浮雲。
講起上次《福布斯》富豪榜，「中東股神」沙特阿拉伯阿勒瓦利德王子發晒爛渣話畀人低估200億美元，阿勒瓦利德其後更致函《福布斯》稱將結束合作，要求將佢自榜單移除，但強調會維持同彭博嘅億萬富豪指數榜合作。
余詩韻