絲絲講場：夜期開波前 小加搞和諧
港交所（00388）「夜期」即將喺下月八日開波，行政總裁李小加頻頻同小經紀會面。繼下月十七日將會同八大經紀組織「世紀飯局」外，原來下周一（25日）李小加就約咗立法會議員王國興、證券及期貨專業總會會長王國安、同證券及期貨從業員工會會長林德明喺港交所見面。
下個禮拜見經紀組織
心水清嘅朋友應知道，王國興議員喺立法會上對「夜期」最咬住唔放，多次咬牙切齒，嘈「夜期」不利金融安全，強烈提出反對。但如今「夜期」已「米已成炊」，改變唔到現實。李小加就約咗王國興議員下個禮拜一見面，王國興並帶同兩大前線經紀組織，一同見小加。
雖然話今次會面係介紹港交所策略發展大計，但明眼人都估計，既然港交所喺夜期已「贏咗」，可能係想「呵番」佢哋，等佢哋順番條氣。
余詩韻