絲絲講場：宗慶后：無樓揸手唔算中產

須有20萬人仔年薪

佢話，依家大陸嘅市民，根本冇辦法喺大城市買得起樓，就算租都未必租得起，所以佢話要先解決住房問題後嘅收入，有20萬年薪才是中等階層。依佢所講，就算你每日飲咖啡同睇法國電影，冇樓揸手都做唔到中產呀！

其實呢個情況同香港咪一樣，香港好多中產根本買唔到樓，就算上到車，都死供爛供。宗慶后所講嘅中產定義，香港人應該順氣啲。

選女婿順其自然

宗慶后為中產設下框框，但對未來女婿就冇設定框框。早前佢接受訪問，被問到對未來女婿有咩要求，佢就話「沒要求，順其自然」。外界咁關心佢個女宗馥莉嘅人生大事，皆因老爹公開講過擔心掌上明珠掛住做嘢，冇時間搵男朋友。

對於呢個女，佢真係讚不絕口，佢話馥莉雖然工作經驗唔長，不過勝在年輕，而且勤力又敢創新，值八、九十分！馥莉依家負責開拓娃哈哈國際市場，好多外國投資者成日都問宗慶后，「幾時可以同馥莉見面？」證明馥莉嘅工作已得到外界認同！