其實「鬼城」呢個形容詞，最早由內蒙嘅鄂爾多斯開始，近幾年江蘇常州、河南鶴壁和湖北十堰等都加入埋「鬼城」行列。近日《六十分鐘時事雜誌》去到中國「鬼城」之一嘅鄭州，話鄭州有大量空置咗嘅房屋，而且人迹罕至，就係反映地方過度建設同埋樓市泡沫嘅證據。
羅奇大派定心丸
絲絲聽萬科集團董事局主席王石嘅睇法就好負面，佢話「鬼城」嘅房屋之所以空置係因為發展商負債纍纍，搞到項目爛尾，如果中國房地產泡沫真係爆破，會令到社會不穩，好有可能出現「阿拉伯之春」嘅亂局。
不過，摩根士丹利前亞洲非執行主席羅奇就話中國發展以城市化為主，加上中國人口愈來愈多，依家嘅「鬼城」好快就會變成發展蓬勃的大都市。