劉健恒人仔新書升值
個遊戲就係估喺幾名高層之中，包括渣打集團（02888）行政總裁冼博德、集團財務董事麥定思、洪丕正等人之中，有邊個嘅工作年資係未夠十年。
結果公布喇，原來大家都做咗十年或以上，而洪丕正早於一九九二年加盟渣打，已經做咗最少廿年！
洪丕正又話，佢睇好今年香港經濟會好過舊年，又寄語大家要發揮馬拉松精神，多啲用「正能量」來面對挑戰。
遊戲另一條題目，係問高級經濟師劉健恒有份編寫嘅新書《The Offshore Renminbi》，喺網上書店亞馬遜嘅現時售價。結果係36.46美元，比起原來嘅29.99美元，足足升咗21%！計絲絲話，升幅分分鐘跑贏人民幣兌美元匯價。
余詩韻