耀才邁向國際 擬引策投

盈喜請睇戲

去年逆市突圍，並為全年業績發出盈利預喜，為答謝客戶支持，耀才昨日於銅鑼灣包場請睇賀歲電影，估計獲得多達1,500名客戶及朋友撐場。

耀才去年業績彪炳，葉茂林早前在公司春茗上已大派花紅及公司股票答謝員工，涉資過千萬元，他亦認為客戶的支持很重要，因此昨日一連五場「包場」請睇賀歲電影，涉資30多萬元，客戶反應亦相當理想，場場爆滿。

耀才發言人指，每場約有300人入場，葉茂林全家均有入場睇好戲，並獲得客戶、朋友及工作合作夥伴如銀行家等齊齊入場支持。

葉茂林及一眾公司管理層，包括行政總裁陳啟峰、董事總經理葉穎恩、市務總監郭思治等齊向客戶拜年，祝大家今年招財進寶。