絲絲講場：富昌春茗娜姐助興
新年伊始，好多公司都搞完春茗，但講到有gimmick又印象深刻嘅，莫過於富昌金融集團喇，因為除咗主席郭俊偉大派獎品外，仲請咗宅男女神娜姐周秀娜做嘉賓添！
富昌金融集團早前擺咗38圍春茗，抽獎獎品總值超過20萬元，郭主席仲大派利是，人人有份，永不落空，不過最矚目就係請咗娜姐同埋一位上海歌姬林寶做嘉賓喇。講起娜姐，原來佢同郭主席都係潮州人，所以咁投契囉。雖然舊年市道唔係咁好，但郭主席有句名言「單絲不成線，獨木不成林；海納百川，有容乃大」，本着呢個精神，佢話要答謝員工，所以今次搞咗咁大型嘅春茗。
業務轉型 做多幾瓣
富昌舊年開始轉型，香港業務增設資產管理、按揭、企業融資，而內地亦新開小額貸款、融資擔保、投資基金等，希望業務可以多元化咁話。絲絲聽郭主席講，舊年仲首次入股深圳一間村鎮銀行叫光明滬農商村鎮銀行，相信對集團喺深圳嘅小額貸款業務可以有如虎添翼之效喎！