絲絲講場：星展利是公仔現身拜年

尋日係蛇年第一個工作日，多位銀行高層都趁新春喜慶與眾同樂，同員工拜年，星展香港行政總裁龐華毅（Sebastian）聯同一眾董事總經理，更加首次帶同兩個星展利是封嘅男女主角，一齊祝願大家福星高照添。

講開星展嘅趣致公仔利是封，原來喺○七年就開始採用呢個設計，不過，星展今年搞搞新意思，將兩位可愛嘅利是封主角製成人形公仔，喺中環中心地下祝願員工開工大吉，實行要喺情人節「冧」吓員工咁話喎！

花旗香港尋日都有新搞作，該行環球個人銀行服務總經理林鈺華（Christine）就帶埋財神，去到會德豐分行同同事拜年，尋日適逢一年一度嘅情人節，Christine仲向女同事贈送用朱古力製成嘅花，真係甜到入心喇！

余詩韻