舊年好多香港證券行生意都唔好，但耀才（01428）就成為逆市奇葩，之前仲出盈喜。出名多計仔兼多瓣數嘅老闆葉茂林就梗係開心啦，除咗大派花紅益員工之外，喺上個weekend搞嘅周年晚宴上面，仲私人送咗465萬股公司股份畀啲員工，連埋花紅，葉老闆今年派咗過千萬獎金！
絲絲尋日就打畀耀才公關姐姐Ally，除咗恭喜佢都有股落袋之外，仲順便八吓，睇吓啲股到底係點分法，佢就話，大家非常熟悉嘅市場總監郭思治（郭sir），同行政總裁陳啟峰（Nelson），就因為之前已經拎咗200萬股option，所以今次只係分得30萬股。至於一眾同事入面，就以前線嘅sales分得最多，成個部門加埋分咗超過四分一嘅股份！
不過計多嘅，就要數啱啱榮升董事總經理嘅太子女Jacquelyn，原來佢分咗成200萬股，佔咗差唔多一半。
余詩韻