絲絲講場：耀才盈喜 包場請睇戲
新年快到，又係絲絲約埋三五知己睇賀歲片嘅時候喇！早前，耀才證券（01428）發盈喜，可見證券行生意咁難做之下，佢哋都賺到錢，難怪老闆葉茂林開心到決定豪花十幾萬，喺年初八（2月17日）包場請全世界睇戲，認真估佢唔到！
使十幾萬款待新舊客
哈哈，你係咪都想免費睇埋一份呢？對此，耀才證券行政總裁陳啟峰就話：「所有網上新客只要轉倉或存款每五萬蚊，就可以獲得電影門券一張，最多送四張，連舊客都有份o架！」據了解，原來閒閒哋包場請睇戲，未計宣傳費嗰啲啦，淨係包場就咁都要使十幾萬。今次耀才咁揼本，睇嚟葉老闆今年都真係賺唔少喎！