陸東瞓身煲港交所

他坦言：「我喺五十蚊、一百五十蚊及一百六十蚊都買過港交所，我唔會沽出。因香港只有一個『合法賭場』，就係港交所，做獨市生意喎！股息率有四厘，好過你去買樓投資，仲唔使畀印花稅！加上家陣Ｂ股轉Ｈ股係大勢所趨，只要牛市來臨，大市成交額增多，呢類股票一定升得好緊要！」

今年中國經濟復甦，市場對人民幣升值預期再升溫。陸東指，現時人民幣幣值被低估約兩成，預期需用五至八年去達到合理水平。若中國經濟穩健向好，人民幣年均可升值百分之二至四；若經濟欠佳，人民幣較難貶值，相信匯價只會牛皮。

不相信前海取代香港

他稱：「八十年代後期，日本仔聽美國佬話，將日圓大幅升值，咪傻仔行為囉！今時今日，美國不斷催促人民幣要加快升值速度，但現時中國係美國嘅債主，中國先唔會驚佢。」他預期未來人民幣只會穩步上升，大幅升值可能性極低。

近期不少前海概念股被炒起。他認為，若前海改革成功，未來它將與香港收相輔相成之效，但不認同市場陰謀論指中央以前海取代香港，因香港在很多方面都獲先行先試的優勢，香港角色未被削弱。