絲絲講場：中電信橫掃「年報奧斯卡」
上市公司每年都會出年報，向投資者交代業務狀況同未來發展大計，一般散戶就未必咁有興趣，不過其實有啲上市公司都好努力去做好年報，希望可以吸引到股東認真去睇o架！
製作半年 勁花心思
中電信（00728）就係其中一間！佢哋一一年嘅年報仲喺每年一度嘅「ARC Awards」度拎咗20個獎。攞到呢個被譽為「年報奧斯卡」咁多獎，絲絲即刻搵佢哋投資者關係部助理經理陳秀君（Doris）傾吓。
佢話如果純粹將啲業績數字放落份年報度其實只係需要七至八日，但佢哋呢本年報成個製作過程就用咗成五、六個月！
絲絲即刻睇番，份年報用咗航空作為主題，上面仲有QR Code，掃一掃就可以睇到佢哋嘅corporate video，非常有趣，大家有興趣可以喺今個月廿五至三十一日，去交易廣場嘅「ARC Awards榮譽年報」作品展望吓！