平時無咩新聞嘅冠忠巴士（00306），尋日出通告話有成4個執行董事辭任！搞到絲絲打個突，以為公司又有咩董事定股權爭拗，搞到咁多董事跳船？
後來絲絲睇清楚，冠忠話係要依港交所嘅《上市規則》第3.10A條新修訂，要求獨立非執董最少3人，而且必須佔董事會成員最少三分之一。
絲絲就覺得奇怪，冠忠本來執董有9人，獨立非執董3人，咁唔係啱啱好咩？絲絲老友話，雖然啱啱好，但可能太「抆水」，預鬆啲好！
絲絲平時睇涉及第3.10A條嘅上市公司通告，一般都係話一兩名非執董或獨立非執董辭任，搞到未符上述規定，而要求三個月內搵人。而冠忠今次「反其道而行」，絲絲就真係第一次見，諗深一層，索性請執董「落台」，可能係最快嘅解決方法，依家冠忠維持3名獨立非執董，執董人數就得5人，係高於港交所標準嘞。
仲有條例入面仲講明，港交所講求獨立非執董嘅獨立性，唔准佢地持有公司股權或認股權高於1%，而資料顯示，冠忠三位獨立非執董都各揸住50萬股認股權。
余詩韻