呢位「民營船王」張志熔持有嘅Well Advantage今年年中捲入中海油（00883）內幕交易案，雖然今個月同美國證交會和解了結，不過Well Advantage要畀1,424.52萬美元出嚟，即大拿拿近1.11億港元，算係破財擋災。可惜少有露面嘅張志熔始終都逃唔過退出上市公司幕前嘅命運。
各界對張志熔一年內唔減持股份嘅保證都算反應正面，話晒兩間公司管理班底都相當紮實。
張志熔裸退 陳強坐正
今次熔盛為免有咩閃失，更快手安排新任主席兼首席執行官陳強喺今日同大家見個面。
尋日陳總出席航運交易論壇時，已暢談未來產業轉型之路。絲絲睇嚟，熔盛真係準備就緒全速前進喇啩。