絲絲講場：渣打紅絲帶關懷愛滋

渣打集團主攻亞洲、非洲、中東地區等新興市場，呢啲地區嘅愛滋問題比較惹人關注，所以關懷愛滋活動對渣打嘅意義重大，渣打嘅可持續發展集團主管及公共事務處地區總監狄偉舜話，紅絲帶活動顯示渣打同愛滋病患者連成一起，並希望藉活動紀念病逝者。

關心行動全球擴展

愛滋病係令全球好多國家頭痕嘅問題，渣打喺教育大眾預防同正視愛滋病方面，出咗唔少力，佢哋集團嘅「關心愛滋行動」就已經搞咗超過10年，由九九年喺非洲發起，之後推展至渣打嘅全球網絡。唔知幾時會喺香港舉行活動呢？絲絲都要支持吓。