戴維思商而優則仕，離開渣打之後曾為英國政府効力，出任英國貿易促進及投資部長。英國政府換屆之後，戴維思亦離開政府重投商界，加入私募基金公司。兩年前，Corsair亦曾動用約9億港元，收購美國加州EastWest銀行業務。
蘇皇賣產大戶搶住要
金融海嘯之後，由於蘇皇接受咗英國政府嘅巨額資金救助，為咗遵守歐盟要維持地區銀行公平競爭嘅規定，蘇皇就必須要將大批資產賣走。
聽講，蘇皇今次賣嘅呢批資產非常吸引，已經有多家有分量嘅公司吼住去爭；Corsair可唔可以成功收購到蘇皇呢批分行業務，戴維思又會唔會重返銀行界老家，明年底之前就自有分曉。