絲絲講場：蔡中虎務實中顯風度

絲絲同CF都幾有緣，咁啱都喺上環搭叮叮。同佢打招呼前，絲絲其實老遠就見到佢，仲瞄到佢本身明明有位坐，但一見到有位媽咪手抱住小朋友，佢就二話不說，企起身讓座畀佢哋，禮讓有風度。

坐叮叮快過揸車

CF同絲絲講，佢要趕住返總公司傾明年大計，中銀人壽早就實踐咗第1個五年大計，絲絲都好期待中銀人壽未來五年有咩新目標。

既然話係趕住去開會，點解CF有私家車唔坐，反而搭叮叮？佢同絲絲講，試過喺繁忙時間坐私家車，但結果用咗45分鐘先去到目的地，因快得慢，所以佢依家學精咗，寧願逼叮叮，10分鐘就到，仲夠晒環保。仲以為CF同絲絲一樣，突然心血來潮，想喺生活節奏勁快嘅城市當中，體驗吓「慢活」嘅感覺，噢，諗多咗。