絲絲講場：道富：大戶細戶皆信唔過

道富最近做咗個調查，發現無論係散戶定機構投資者，佢哋嘅投資行為，都同自己嘅目標唔一致。

散戶不信任市場

例如話散戶想進取啲投資，但資產入面現金就佔咗三成咁多；至於主權基金呢類機構投資者，就好多都一陣話去理解複雜嘅另類投資產品係大挑戰，一陣就熱衷買呢類產品。道富應用研究中心全球研究主管Suzanne Duncan就話，散戶主要係唔信任市場、政府、同投資機構，而機構投資者就多數係過分自信。

咁，如果GIC、淡馬錫、甚至我哋嘅外匯基金呢啲主權基金，都唔了解自己嘅投資，咪好大鑊？不過絲絲睇番啲數據，其實係得31%受訪者認為呢個係大挑戰，更加有22%話唔係挑戰；講真，上述呢啲大基金都未必得閒回應呢類調查啦。