絲絲記得，王聯章以前做過加拿大皇家銀行、瑞士聯合銀行、花旗銀行、恒生（00011）同埋星展香港嘅管理層。
涉獵甚廣 經驗老到
而且佢嘅業務足迹遍布債市、企業、資本市場等，早就成為大中華區舉足輕重嘅銀行家，不過近年佢退下火線，主力做顧問。
王聯章依家喺恒基中國做緊董事，佢亦係恒地（00012）副主席李家傑嘅高級顧問，幫李家傑出謀獻策。其實王聯章之前已經喺民行（01988）做咗接近六年獨立非執董，今年五月任期先屆滿。
絲絲聽聞，現時內地金融市場最缺最搶手嘅，就係呢啲資深銀行家，中信銀行梗係拿拿聲出手啦，依家中銀監都批埋，十一月七日已經正式履新。