Bonnie話強積金受託人爭相減費，就好似百貨公司大減價，作為計劃成員，絕對有權選擇去邊間買、買啲咩、買定唔買等等。
規模要大 易換組合
不過，無論係幫襯邊間受託人，買之前一定要諗清楚，唔好人買你又買，要考慮自己嘅需要，唔係到頭來，得物無所用，最後蝕底嗰個都係自己！
咁究竟點揀先好，Bonnie話，要揀間大嘅，旗下基金種類愈多樣化，風險愈分散愈好，咁就可以隨時轉換基金組合，唔使每次都轉受託人，正如光顧一間咩都有得買嘅百貨公司，就可以一次過滿足晒你嘅需要。
傾偈期間，佢仲話遲吓友邦會推多一隻基金，計絲絲話咩都假，最緊要基金回報好！