絲絲講場：花旗分析賽科大摘冠

幫「魔童」度橋搞電視

呢個比賽嘅題目絕對貼近市場動向，就好似今屆要分析嘅案例，就係「電訊魔童」王維基旗下城市電訊嘅新一代電視廣播服務，各比賽隊伍就要諗諗計仔，點樣幫城市電訊解決面對嘅策略性同埋管理難題，依家城市電訊嘅電視業務仲未開播，話唔定公司可以喺參賽學生嘅方案入面，搵到好橋都唔定。

王維基對呢班精英學生嘅表現真係好滿意，仲話參賽隊伍有方案建議，同公司想做到嘅目標好相似咁話，所以留下咗好深刻嘅印象。今屆花旗集團國際案例分析比賽己經係第十屆，今屆輪到香港科技大學做東道主同花旗合辦，結果亦不負眾望。