話說滙豐人壽尋日公布任命林麗霞做首席執行官，先知道原來老臣子老建榮早已請辭走人。
滙豐人壽係滙豐同國民信託公司喺○九年合資成立，當時老建榮由滙豐香港人壽保險業務行政總裁一職，走馬上任去內地開荒做首席執行官，當時滙豐人壽主席更加係前集團保險業務主管湯德信，事隔三年，人面全非。
林麗霞接替老建榮
絲絲聽聞老建榮請辭之後想休息吓先，而接任嘅林麗霞其實都好經驗豐富，九二年已經入滙豐做保險同財富管理業務，而且想當年亦有份同老建榮一齊返大陸打江山。
○九年滙豐人壽內地開業之後，林麗霞一直擔任首席銀行保險業務執行官，絲絲相信佢對成個內地同滙豐人壽運作都已經瞭如指掌，今次平穩過度應該無問題。