絲絲講場：康宏望打工仔「自由鳥」
強積金半自由行推出在即，各界紛紛借勢宣傳，花臣多多，好似強積金中介人康宏理財（01019），尋日首推MPF指數，又花逾七位數字推出一系列推廣活動，包括以「強積金自由鳥」為題嘅廣告。
MPF指數跑輸恒指
尋日康宏首推MPF指數，九月份最新報166.76點，較去年底154.1點上升8.2%，但仍較恒指年內錄13.5%的升幅為低，康宏行政總裁及執行董事馮雪心（Rosetta）話主要係因為美國九月底推QE3，市場氣氛回暖，港股表現做好咁話喎！
絲絲知道唔少打工仔嘅強積金組合都會有香港股票基金，希望康宏呢個MPF指數會一支箭咁升，咁就皆大歡喜啦！
MPF半自由行呢場戰役，真係唔講得笑，近日唔少強積金受託人鋪天蓋地嘅宣傳，又點少得作為中介人嘅康宏，Rosetta仲透露花費逾七位數字添！
其中康宏即將推出一個以「強積金自由鳥」為題嘅廣告，Rosetta話覺得雀仔嘅生活無憂無慮，希望幫到強積金計劃成員揀合適計劃，打造無憂無慮退休生活喎！