絲絲講場：張小衞做信銀國際CEO

中港銀行打滾三十載

資深銀行家張總喺內地同本港銀行界打滾有近三十年，曾經喺農行（01288）同交行（03328）出任多個要職，仲做過交行香港分行副行長同招行（03968）香港分行行長添，原來佢做過咁多中資行高層，唔怪之得中資背景嘅信銀都邀請佢過檔啦。過檔之前，佢係永隆銀行常務董事兼總經理及替任行政總裁。

唔知各位記唔記得喺九月中，信銀都有位董事長新鮮上任呢？講緊嘅係陳小憲呀！陳董已經唔再係新面孔啦，佢代表信銀國際歡迎張總，仲話希望藉着張總嘅豐富中港銀行業經驗，帶領銀行把握中港發展機遇，成為客戶首選嘅中資行。咁有經驗嘅賓卡（banker），絲絲都想見職吓佢嘅風範，唔知幾時有機會同張總交流吓呢？