梁穩根身家跌五級
宗慶后以資產淨值100億美元重新登上《福布斯》中國富豪榜首位，比上年增加咗35億美元。佢喺「胡潤百富榜」就係以800億人民幣嘅財富，重新排名第一。
梁穩根就無咁好彩，受建築機械設備需求放緩嘅影響，佢嘅身家無咗34億美元，僅以資產淨值59億美元排第六位。
全世界嘅經濟都唔好，打入福布斯頭一百名嘅富豪，身家唔多唔少都有縮水，佢哋加埋大概少咗2,200億美元身家，比上年跌咗7%；而擁有十億美元或以上資產嘅只剩低113個，比上年少咗33個。
至於今年最縮水嘅行業包括太陽能、房地產同消費類行業等。宗慶后做嘅生意，無論經濟好定差，啲人都會買飲品同食品，相對其他行業，認真「抗衰退」。