免入場費好彩有補貼
圓明新園舊年入場人數70.42萬人，今年上半年就有35.8萬，公司亦都好坦白，話過往兩年入場人數無乜增加，所以諗住倣效內地其他同類主題公園嘅經營模式，變為免費進園，諗住谷起人氣，靠園內餐廳同商舖賺錢抵銷。
但計一計，若果以130蚊人仔入場費計，上半年都有成4,654萬人仔收入，而且係淨賺喎！
圓明新園係九洲旗下兩個主題公園之一，冇咗入場費，梗係會影響圓明新園嘅經營收入，所以佢哋積極向市政府爭取扶持。
難得嘅係，珠海市財政局又肯向圓明新園提供兩年嘅財政補貼，每年補貼2,647萬元人仔，但似乎都補唔番完全唔收入場費嗰條數喎，睇嚟要靠入場人士食多啲，買多啲紀念品至得喇。