有位大莊就喺間公司早前股價大跌時入咗好多，依家就睇呢位揸fit人點樣扭轉乾坤，而近排佢亦確實好努力，好似搞番好管理層，又壯士斷臂精簡海外網絡等。
游說入股撐場都幾難
可惜市場都明白，要公司一年內回復高盈利增長係無可能，所以股價升一排後又回番落嚟。
金占士尋日又喺市場聽到靈魂人物同零售巨子被游說入股嘅消息，仲話只要買到5%嘅披露水平就夠，算係對公司嘅支持，其實呢個消息已經傳咗成年，每次公司有負面消息而股價暴跌無耐就會傳一次。
講真，靈魂人物好精，當年高價抽身，依家逍遙自在，投資吓基金淨食息都食唔晒，畀着係金占士就唔會呢個時候踩番隻腳入去。
金占士