一次央行首腦會議小休，中國人行行長周小川將聯儲局主席伯南克拉到一邊悄語：「小伯，你真係好嘢！度出條無限期量寬條計仔，你甩難，我受難。」
伯南克答道：「老兄，我哋各為其主吧。要提振就業關乎每個美國人，記得當年叫你將人民幣升值，你講創造就業的需要關乎中國每個人，我謹記你名言。」
小川臉色一沉：「你量寬沒完沒了，日後我通脹沒完沒了，咁搞法，你搵我着數、搵我笨。你美國有冇大國責任o架？」
伯南克笑說：「老兄稍安勿躁，我係情非得已，格老掌聯儲局時，何須睇住就業履任？國家經濟咁樣，又無法子寄望政客喺財政一條心救國，惟有我不入地獄誰入？」接着安慰小川：「搞掂我國就業，搞番活樓市，消費得到提振，需求提高後肯定益番中國。」小川還未來得及回應，伯南克已抽身行開去。
上述「劇情」是鍾經緯編撰的，但亦非憑空捏造，查有實據也。「劇情」想揭示美國就量寬（QE）的兩點「理據」：一是不要說我美國不負責任，與你中國不過彼此彼此──都以本國利益優先；二是我搞掂檔時，你也沾光可望搞掂檔；換個講法，我唔掂檔時，你也休想掂檔。
對美式QE中國反感，但這顯然是繞不開的大國博弈，只能好自為之。當中，美國的行為邏輯，中國人再次領教。
CHINA 鍾經緯