大摩美邦如今命名為摩根士丹利財富管理，兩者喺多年整合後，依家有成1.7萬名金融顧問，管理1.65萬億美元資產。
百年品牌 家喻戶曉
不過，整合過程唔係咁順利，據聞大摩引入新嘅交易平台成日出錯，要勞煩到啲高層出巡視察，安撫班經紀。
講起美邦，佢係由兩家早喺十九世紀成立嘅公司組成，因為經常喺電視賣廣告，所以唔少美國消費者仲記得佢個名。
每逢金融危機都係業界汰弱留強嘅考驗，總會有老牌大行隨之say goodbye，印象最深刻非雷曼兄弟莫屬，仲有貝爾斯登。
併入大行而消失嘅呢，除咗美邦，大摩十年前亦放棄咗添惠（Dean Witter），花旗○三年棄用咗所羅門兄弟，仍留得住個名嘅就有美銀旗下嘅美林。