美國推無時限QE3，環球魚缸「焗升」，港股上周五升582點，主板成交791億元。
股市成交勁增，牛熊窩輪則明顯落後，窩輪成交更按日減少了9.1%至62.74億元，牛熊成交升16.9%至42.54億元，全日共96隻熊證被收回，當中74隻是恒指熊證，估計被劏街貨多至16億份，令防線再度上移至20,700點之上，相當貼近現水平，大戶若然再殺上，要劏多幾億街貨可謂手到拿來。
本欄上周一直抱住要揸唔沽的策略，果然食正升浪。技術上，恒指由六月初低位反彈以來，營造了一條明顯上升通道，短線阻力在20,700點附近，今次急升之後，若未能突破此阻力，有機會先行回吐。
策略上，今日高開可投機性買熊證，短線搵餐晏，恒指摩通熊（63486）明年一月三十日到期，收回點數21,200點，槓桿比率24倍，但只要上升通道得以維持，中線恒指睇21,300點亦無不可。
Handsome哥