其實永隆上年已經籌咗50萬人民幣幫助重建甘肅省一間小學，今年就繼續喺呢個省努力，今次會幫嘅學校，就喺定西巿岷縣麻子川鄉吳納村，計埋「永隆銀行慈善基金」出資，今年籌夠60萬人民幣，上個星期已經將捐款交咗畀香港苗圃行動。
甘肅省起冠名小學
聽講呢間小學起好之後，會叫做「永隆銀行苗圃希望小學」，睇嚟大家過多幾年，喺甘肅省見到多啲永隆冠名小學，可能隨時以為永隆入咗甘肅開分行。
有永隆管理層以及其他同事，更加出錢出力，捐錢之餘仲會報名參加小學重建後嘅義工探訪之旅，深入甘肅省，連永隆副總經理張東都話，雖然嚟咗香港唔係好耐，但已經對同事做嘅嘢好感動。