趁冧市購併 市值勁飆
本身係會計師出身嘅吳建民，睇盤數睇得好緊，佢比喻風險管理做「守龍門」，「好似踢足球咁，如果射極都唔入，最多得個打和，唔會輸，只要間中有人入一球都可以贏，我管理銀行嘅原則就係守龍門，把關做得好，爭取銀行業務就無後患啦」，佢仲話，○八年金融海嘯係華美銀行嘅機遇，提供咗收購嘅機會，唔怪之得該行喺二十年內，市值上漲咗八十倍啦。
吳建民身兼百人會主席，非常鼓勵香港商界去美國投資生意，佢呼籲港商，有時做生意唔係淨係睇盈利數字，如果中國為美國創造就業機會，對中美關係會有好大幫助，從中香港可以扮演好大角色。唔知聽到佢嘅呼籲，有幾多港商會心動呢？