券商輪后分享心得
AXA安盛話，佢哋搞呢個活動係為咗畀啲內地大學生了解吓香港嘅金融行業，同埋AXA安盛嘅理財產品，如果大家「情投意合」，會順便招攬佢哋加入公司添。
呢班大學生好多係富二代，嚟自北京工商大學、中山大學等。喺短短一個禮拜入面，佢哋去咗好多地方，好似金管局、瑞銀、彭博社、天大證券等等。絲絲上天大證券睇過，見到資產管理董事施俊威向佢哋分享揀股心得，連法巴上市衍生產品部聯席董事趙海珠都有到場做嘉賓，介紹香港嘅輪場發展，班大學生聽完都話眼界大開，認識多咗香港嘅金融業，仲話畢業之後想嚟香港發展！