評級低 高盛諗計催谷
Bob Dylan由六十年代至今發行近50張專輯，全球唱片銷量累積超過9,000萬張，佢首宣揚反戰訊息嘅金曲《Blowing in the Wind》家喻戶曉，但絲絲聽聞Sesac債券只獲美國評級公司標準普爾的BBB-評級，同「垃圾級別」唔係差好遠咋！
始終用呢啲歌曲版權作為抵押，冇乜歷史數據比較，冇人知係咪可以長期保持穩定嘅版稅收入，唔怪得個信貸評級咁低。本來Sesac債券預計喺今個月定價，但高盛似乎開始對隻債券信心有所動搖，仲打算將隻債券一分為二。絲絲估計可能將啲受歡迎同吸金能力高嘅歌曲版權拆出嚟，博隻債券可以獲更高嘅評級。