查太早前同老公去咗倫敦睇奧運充電，兼且偷師睇吓倫敦呢個「金融城」嘅運作。對於近期熱門話題「國家機密」，查太話根本唔係咩新鮮事，佢做證監會副主席嘅時候，喺九三、九四年有大量內地企業申請嚟香港上市，當中有好多公司已經用「國家機密」理由嚟迴避一啲帳目問題，當中有唔少係H股嚟。
「不用公開 也不要來港」
查太話，根本無法界定「國家機密」嘅定義，所以當時佢咁答：「我尊重國家機密，所以我不要求你們公開，也請不要來香港上市」。
查太又話，監管就係證監會嘅工作，依家佢不在其位，所以唔會評論證監會同港交所嘅做法，但佢就強調，嚟香港上市嘅係應該公開嘅材料，應該按上市條例公布。咁夠薑，絲絲真係好佩服。