絲絲講場：英裘老闆自爆發達史

見工試吓 一做卅幾年

Pat本科讀化工，但就嫌悶，喺機緣巧合之下，佢走咗去一間皮草公司面試，因為對行業一無所知，都係抱住一試嘅心態，點知對方就同佢講：「只有你肯簽四年約，就訓練你成為全亞洲最識皮草嘅一個」。Pat膽粗粗試吓，點知一試就已經三十幾年，依家仲做到上埋市添！

佢依家會直接喺芬蘭、丹麥嘅農場同拍賣會拎貨，喺全球一百張買家牌之中，活躍同大量買貨嘅就只有十張，當中包括佢公司。拍賣講求反應快、英文好、講價叻（指同拍賣官商議），大概八秒要決定買一百萬嘅貨，因為佢以前長期喺外國，母語基本上係英文，而且同啲農夫好熟，所以有番咁上下優勢囉！

余詩韻