打工仔最期望可以晉升到做阿頭，要理想達到，不妨參考吓獵頭公司Russell Reynolds Associates針對科企公司嘅舵手調查。最有趣嘅結論係，雅虎雖然頻頻換揸fit人，原來佢先係盛產最多科企舵手嘅公司，而最多科企舵手改嘅名，係David！
Russell嘅「數碼CEO的分析」報告話，喺135間私人或上市美國知名科企入面，有8.9%舵手喺雅虎打過工，多過其他科企巨頭Google同微軟嘅分別5.1%同3.7%！緊隨其後嘅有facebook同eBay，得2.9%。
報告仲話，有69%舵手係自己創業，21%舵手係外面請番嚟嘅，剩低10%係公司內部晉升上去。其他共通點包括，13%舵手係喺哈佛大學或者史丹福大學本科畢業，主修經濟、電腦科學同埋工程嘅加埋佔成60%。
余詩韻