淡友打輸搵個市出氣？
聽聞呢單打鬥事件，導火線係一家證券公司嘅研究部，向基金公司推介深圳一家上市公司，點知基金公司寸番證券公司，話「咁嘅垃圾公司你都好意思推薦」，個研究員忍唔住還口話「你做得咁差嘛又一樣做到基金經理」，於是令一場文鬥變成武鬥。結果雙方大打出手，最終因為sell side研究員身體質素取勝，客場打贏buy side。
尋日內地券商股受中信証券海外虧損傳聞拖累插水，有金融圈朋友笑指，唔排除係呢位打輸嘅基金經理要洩憤，重手沽券商股，於是殃及池魚。金占士對呢個揣測有保留，不過就估計，嚟緊呢排內地證券圈可能會興起健身熱，話晒今次事件都令大家深切體會到體能好嘅重要性。
金占士