淺水灣做SPA兼歎香檳
星展香港信用卡及私人貸款業務高級副總裁周邦貴就發起大食會，同成班同事玩咗一個下午，仲派埋咖啡券，以表謝意，而零售投資及保險產品高級副總裁莊希就別出心裁，拎住一大籃雪糕親自派畀同事，多謝佢哋之餘祝埋佢哋甜甜蜜蜜。絲絲聽講有部門主管更加豪到請同事去淺水灣做SPA同飲香檳，真係夫復何求！
星展香港董事總經理兼零售銀行業務總監潘燕明雖然啱啱履新，都有參與感謝日，向零售銀行各主管派曲奇，順便了解各部門運作。至於最高管理層嘅行政總裁龐華毅，就喺當日早上每人一封感謝電郵，多謝同事默默耕耘。