攞牌要溫書300粒鐘
絲絲查番至六月底數據，過去一年美國六大金融機構，好似摩根士丹利、花旗、美銀美林等等已裁減超過1.8萬個職位，佔整體人手1.6%。
之不過，想考到CFA牌一啲都唔易，考試分三級，以啱啱喺今年六月舉行嘅考試，總括三個級別，一共有超過14.9萬人報考，考生人數破紀錄。睇怕個個爭住考番個專業資格都係想保住個飯碗。
CFA協會估計考生每次考試之前，都要花上300個鐘頭準備。換句話講，上班族每考一級，都要撥出300個鐘空餘時間「鋤書」，唔怪得之通常要用成4年先考得齊啦。至於三個級別內最難考嘅第三級，今年合格率得嗰52%咋。