企業貸款習慣，可窺中港兩地文化差異，《基點》報道指，有部分內地企業簽咗貸款法律文件後，竟然喺最後關頭要銀行「減價」，降低貸款利率，銀行為免得罪國企同跨國企業，惟有重回談判桌。
之前內地就有一間重型機器生產商，籌組16億元人民幣嘅銀團貸款，喺銀行完成信貸審批程序之後，竟要求減息5厘咁多。除咗人民幣貸款，就連美元貸款都不能幸免，除咗銀團貸款，重災區仲有雙邊貸款添！
本港律師就話，好少見到借款一方喺簽署文件後，仲會要求銀行減價，就算要減價，銀行通常會用較低息率，為企業再融資，即償還現有貸款，再借入較便宜的貸款。
皆因本港企業普遍較有法律精神，會尊重合同，希望內地企業可以借鏡本港做法喇。
金占士