絲絲講場：「地產狂人」孫宏斌勁顧公司形象
有唔少內地老闆無論喺開會或者食飯時都總會有煲吓煙，或者飲吓酒嘅習慣，尤其係搞地產嘅，更加成日要應酬。
不過，有老友就同絲絲講，融創中國（01918）嘅老闆孫宏斌孫總，雖然佢畀人稱為「地產狂人」，但原來佢個人係好健康，唔單止唔食煙，仲好注重公司整體感覺同埋形象添！
煙不沾手儀容企理
聽老友講，雖然平日孫總個人好隨和，不過會影響到公司形象嘅嘢都會睇得好緊，好似喺平日開會前，都會整理好儀容同埋衣着。
亦因為孫總冇食煙呢一個習慣，所以佢嘅下屬都唔會喺佢面前食煙，亦因為咁，喺做嘢期間因為要去「充電」，而突然間唔見咗人呢一啲現象，都好少會喺融創中國裏面發生。
飲食健康絕頂老總
其實之前出差，去過佢哋公司參觀嗰時，絲絲已經發現孫總食嘢都幾健康，仲成日食蔬菜，而且當時佢亦推介大家飲石榴汁添！所以話，孫總真係一個生活好健康嘅老總。
余詩韻