最近就有調查公司，訪問咗英美兩地合共500名金融從業員，當中有26%人就話喺自己公司見到或知道有人從事不道德商業行為。而當中有45%人更話，如果有1,000萬美元嘅回報，同埋冇乜機會被捉到嘅話，都會參與內幕交易。
不過，負責調查嘅機構Labaton Sucharow就話，呢次嘅調查結果其實都唔係一面倒負面嘅，例如當中有84%嘅人認為自己嘅僱主有良好嘅道德價值觀。
25%人認同成功要犯法
另外有94%人若見到商業罪行都會願意挺身舉報，不過大前提係要自身安全得到保障，同埋希望監管機構會有獎賞。不過，英美兩地都分別有四分之一人認為，要喺金融界成功，犯法似乎係在所難免。