喺低息環境持續嘅狀況下，雖然政府屢出口術，但都只會係「出口術」，即係冇實質嘢。只要冇實質一次性嘅措施出台，區區印花稅亦只能打擊炒賣市場，對用家市場完全冇打擊作用。加上本地人口對住屋確有需求，前任特首於任內樓市供應極度貧乏，梁特首上任之初，為慎防「八萬五」事件重演，亦不敢大刀闊斧推出政策。種種原因，種下未來中期內樓市平穩上升的誘因。
目前本港樓宇的出租率極高，要審視樓市走勢，最簡單就是看「空置率」。然而，在如斯出租率底下，何來下跌誘因？需知道，樓市下跌，必需是「供過於求」，必先出現「空置率上升」這現象。加上目前業主持貨能力極高，單以今年計，各商戶及住宅加租幅度亦不錯。雖然樓市急升會引來政府打壓，因此上升30%或以上的機會極少，惟平穩上升10%左右，相信係「指日可待」。
如果大家心水清，就會知道喺呢兩三年內，中外央行利率冇大升條件，尤其係美國聯儲局更承諾維持低息至二○一四年。Prof.J大膽估計，零息現象甚至乎會維持至一五年，以呢個息口計，普通人比完首期之後，每月供樓負擔水平，相對九七年而言，可以話係微不足道。
點睇出香港仍有大批置業需求人士？大家只要有睇新聞，由近來大量申請公屋人士、喜雅開售銷情已可見。只要政府仍然只懂得出口術，但冇實質一次性增加供應嘅措施，樓市都有強勁嘅購買力支持。目前只需要睇實「失業率」，一日失業率冇回升，大家仍然有工做，仍然不斷供樓，磚頭理當跑贏通脹。
香港大學電子金融服務榮譽助理教授 徐燦傑