逾200供應商報名畀貨
消息出咗3日，已吸引咗200幾間供應商報名。聽講先由阿里巴巴對啲供應商做初步審核，富士康之後再篩選揀出合適嘅供應商。其實隨住網上採購愈嚟愈普遍，1688.com每日新增嘅訂單有成8,000個咁多，所以依家累計數目已經超過50萬個。
講開又講，1688.com係全球最大嘅採購平台同埋批發市場，所以佢哋都做唔少工作去維繫客戶嘅，就好似舊年將個平台upgrade，又推出多個措施去keep住服務水平，確保供應商嘅可信度等等。因此呢個平台到依家已有超過5,000萬個註冊用戶，2億多種商品，足以覆蓋到40大行業，認真係包羅萬有。