絲絲講場：丁午壽復出接乖仔棒

丁天立辭職要休假

丁天立辭職嘅理由，係需要一段時間休假，只留任集團非執董。佢今年至37歲，自九八年起加入集團附屬開達實業任職執行董事，於○六年起擔任公司執行董事，一○年七月正式擔任董事總經理至今，剛好完成兩年任期。去年領取公司總酬金約84萬元。截至尋日為止，佢一共持有1,433萬股，佔公司股份大約2.15%。

而丁午壽已經69歲，八九年公司成立嗰日起擔任董事總經理，喺一○年七月由丁天立接任，佢自己就轉任公司主席至今。去年領取公司總酬金79萬元。截至尋日為止，丁午壽一共持有3.78億股，佔公司股份大約56.94%，即係話其實爸爸先係公司嘅大股東。

公司冇交代丁天立為乜要搞到辭職至可以休假，但絲絲留意到一樣嘢，丁午壽依家接任MD，並冇簽服務合約，並無指定任期，即係話佢可以隨時提出辭任，絲絲猜測唔通係部署等仔仔休完假返嚟接任？