佢哋要搞到上法院，原因係彭博社話大智慧同佢嘅成名產品，似到十足十，佢哋兩者都有雙屏，多色鍵盤硬件，而軟件界面文字、顏色、布局等風格都好相似，話「大智慧金融投資家」係彭博社嘅山寨版，要求大智慧停止侵權、喺《人民日報》公開道歉、當然仲要有現金賠償喇。
據了解，大智慧喺中國銷售排第一，彭博就排第三，而兩者都係喺惠普公司訂購硬件，即係雙屏多色鍵盤係惠普嘅通用產品，呢啲資料對評價大智慧係咪侵權，唔知有冇用呢？
訴訟或為商戰手段
有知情人士分析，現任紐約市長彭博係彭博社創辦人，佢決定控告大智慧，係擔心大智慧喺海外擴張，希望透過今次起訴，狙擊一下對手。睇嚟佢哋呢場戰爭依家先開始。